البوست الشامل للمعاهد العليا للهندسة

  اولا دي موقع نقابة المهندسين المصرين لو عاوز تتاكد من المعاهد المعتمده  اضغط هنا


البوست بخصوص المعاهد العليا الهندسيه - خاص بطلاب شعبة علمى رياضه - مجموع بين 80 - 90 % .
__________________________________________
كليات الهندسه كلها بتنتهي مع المرحله الاولى واللى ووقفت عند91.2 % ( غالبا هتبقي هندسة الطاقة بأسوان).. فى ناس كتير كان نفسها ف هندسه وملحقتهاش والخاص اقل هندسه ب 35 الف جنيه.. تقريبا كل طلاب شعبة رياضه كان نفسهم :D
فى ناس راحت منهم هندسه على درجه واتنين وتلاته واكتر.. هى مراحتش خالص لسه ادامك تبقى فى هندسه وفى مكان احسن من صاحبك ال دخلها ب 94 %
فرصتك المعاهد العليا الهندسيه.. اولا ليه اسمها معاهد؟ اسمها معاهد لانها ف اكاديميات مش جامعات.. واسم معهد يعيبها؟ لا خالص دى تابعه للحكومه ومعتمده من نقابة المهندسين وانت مش محتاج حاجه اكتر من كدا والنهارده التعيين بقى بالكفاءه وبس وفى معاهد افضل من كليات حكوميه كتيره وهتكلم عنها كلها.
❇ اول معهد هو " المعهد التكنولوجى العالى" واللى مصنف رقم 1 ف مصر ومحقق نتايج ف مسابقات محليه ودوليه كليات حكوميه محققتهاش
ليه فرع ف العاشر وده الرئيسي وده اقسامه :
■ قسم العلوم الأساسية
■ قسم الهندسة الطبية
■ قسم الهندسة الكهربية و الحاسبات
■ قسم الهندسة الكيميائية
■ قسم الهندسة المدنية
■ قسم الهندسة المعمارية
■ قسم الهندسة الميكانيكية-عام
■ قسم الهندسة الميكانيكية-ميكاترونكس
■ قسم الهندسة النسيجية
وليه فرع ف 6 اكتوبر وده اقسامه :
■ قسم العلوم الأساسية
■ قسم الهندسة الكهربية و الحاسبات
■ قسم الهندسة المدنية
■ قسم الهندسة المعمارية
■ قسم الهندسة الميكانيكية-سيارات
■ قسم الهندسة الميكانيكية-عام
( اللى بيفرق فرع عن فرع هى الاقسام .. فرع العاشر اخد ف 2014 من 88.5 % وفى 2015 من 89.7 % وفى 2016 من 88.7 % وفرع اكتوبر اخد ف 2014 من 87.6 % وفى 2015 اخد من 89.2 % وفى 2016 اخد من 86.8 يعني السنه دى هيبقى ف الرنج دا او اقل حوالى 1 %.. مصاريفه 16600 الف ف السنه)
❇ تانى معهد هو "المعهد العالى للهندسه بمدينه الشروق" واللى مصنف رقم 2 ف مصر .. مش انا اللى مصنفه .. مستوى الطلبه والدكاتره والخريجين هما اللى عملو منه التصنيف ده .. واسمع ان قسم كهربا ف الشروق مميز عن اى مكان تانى
اقسامه هى :
قسم هندسة الالكترونيات والاتصالات الكهربية.
قسم هندسة القوى والآلات الكهربية.
قسم الهندسة الكيميائية.
قسم الهندسة الحيوية الطبية والمنظومات.
قسم الهندسة المدنية (شعبة أشغال عامة , شعبة إنشاءات).
قسم الهندسة المعمارية.
( اخدت ف 2014 من 87.5 % وفى 2015 من 88.5 % وفى وفى 2016 من 86.8 % .. يعني السنه دى هيبقى ف الرنج دا او اقل حوالى 1 % ومصاريفه 13 الف )
❇ تالت معهد معانا هو مصر العالى "معهد السلاب ف المنصوره" وهو اعلى معهد ف المجموع و رقم 3 ف المعاهد ومعظم دكاترته هما دكاترة جامعة المنصوره .. مشهور اوى ف محافظات المنصوره ودمياط وكفر الشيخ .. طلبة قسم مدنى كانو ف المانيا من 3 سنين بس معرفش كانو بيعملو ايه هناك :D
اقسامه هى :
1 – قسم الهندسة المعمارية
2 – قسم الهندسة المدنية
3 – قسم هندسة الاتصالات
( اخد ف 2014 من 90.4 % وفى 2015 من 91.7 % وفى 2016 من 90.3 يعني السنه دى هيبقى ف الرينج دا او اقل حوالى 1 % ومصاريفه هى 10500)
"ودى اشهر وافضل 3 معاهد ف مصر وفى كتير كويسين بردو بس زى ما مستوى جامعه مختلف عن جامعه بردو مستوى معهد مختلف عن التانى بس فى الاخر كلهم معتمدين من النقابه ومن الحكومه وكمان تنسيقهم عادى جدا من موقع الحكومه"
❇ معهد هندسة وتكنولوجيا الطيران .. موجود ف امبابه ومعهد قديم وعريق ف مجال هندسة الطيران ومفيش غيره ف مصر هو وهندسة القاهره بيدرسو هندسة طيران .. المعهد فى اقسام تانيه بس هو مشهور جدا بقسم الطيران لان ده تخصصه الاساسى
اقسامه هى :
1- هندسة الطيران
2- هندسة الإلكترونيات واتصالات الطيران

3- الهندسة المدنية
4- الهندسة المعمارية
5- هندسة القوي والآلات الكهربائية
6- هندسة القوي الميكانيكية
( اخد ف 2014 من 87.3 % وفى 2015 من 87.3 % وفى 2016 من 86.9 % ومصاريفه 14304)
❇ المعهد العالي للهندسة بمدينة 15 مايو واخد ف 2014 من 86.5 % وفى 2015 من 87 % وفى 2016 من 86.3 % واقسامه هى:
1- هندسة مدنية
2- الهندسة معمارية
3-هندسة الالكترونيات والاتصالات.
❇ المعهد العالى للهندسه باكاديمية اخبار اليوم وواخد ف ( 2014 من 85 % وفى 2015 من 84.4 % )
واقسامه:
أ. هندسة الإنتاج وتكنولوجيا الطباعة
ب- هندسة الحاسبات والنظم
ج.هندسة الإلكترونيات والاتصالات الكهربية
د. الهندسة الصناعية
ه. هندسة الميكاترونيات.. ومصاريفه 13 الف
❇ معهد عالي هندسة وتكنولوجيا ف كفر الشيخ واخد ف ( 2014 من 90.2% وفى 2015 من 90.7 % ) ومصاريفه 7000 واقسامه :
1- قسم الهندسة المعمارية.
2- قسم الهندسة المدنية
3- قسم هندسة الاتصالات
❇ معهد معهد طيبة العالي للهندسه .. واخد ف ( 2014 من 85.2 % وفى 2015 من 85.1 % وفى 2016 من 82.1 % ) و مصاريفه 8500
اقسامه:
1- قسم هندسة الحاسبات والإلكترونيات
2 - قسم الهندسة المعمارية
3 - قسم الهندسة المدنية
❇ معهد عالي هندسه 6 اكتوبر (معهد أكتوبر العالى للهندسة والتكنولوجيا بمدينة 6 أكتوبر) واخد ف ( 2014 من 87.4 % وفى 2015 من 88.2 % ) واقسامه
1-هندسة مدنية : (هندسة التشييد والبناء)
2-هندسة كهربية : (هندسة وعلوم حاسب والمعلومات)
3-هندسة ميكانيكية: (هندسة صناعية وإدارية هندسة ميكاترونيات) ومصاريفه 8500
❇ معهد الإسكندرية العالي للتكنولوجيا بسموحة.. اخد ف ( 2014 من 83.5 % وفى 2015 من 83.6 % ) ..
اقسامه:
أ-هندسة الإلكترونيات والاتصالات
ب- هندسة الحاسبات
ج- هندسة الميكاترونيات
د- هندسة صناعية ومصاريفه 13 الف
❇ المعهد العالي للهندسة والتكنولوجيا ف دمياط واخد ف ( 2014 من 87.4 % وفى 2015 من 87.3 )
واقسامه
1- الهندسة الكيميائية
2- الهندسة المدنية
3- هندسة الاتصالات والالكترونيات
❇ الاهرامات العالي للهندسة والتكنولوجيا.. اخد ف ( 2014 من 84 % وفى 2015 من 83.5 % )
واقسامه:
1-هندسة الالكترونيات والاتصالات الكهربية.
2- هندسة القوى الكهربية والتحكم.
3- الهندسة الميكانيكية .
4- الهندسة المدنية
5- الهندسة المعمارية.. ومصاريفه 8600
**دى المعاهد اللى مستواها كويس و متوسط وفوق متوسط .. وفى معاهد تانيه كتير .. معرفش عنها حاجه ولا كويسه ولا مش كويسه فمش هينفع اتكلم عنها وفى منها معاهد تحت السلم زى ما بيقولو .. والمعاهد كلها الالتحاق بيها عن طريق موقع التنسيق عادى جدا زى اى جامعه حكوميه .. والتقديم عن طريق بطاقة الترشيح والاوراق العاديه خالص .
لو عندك اى سؤال اتفضل ف كومنت لو مردتش عليك يبقى معنديش فكره عن سؤالك